Ապրիլի 1-ից ընդլայնվել է ադրենոգենիտալ համախտանիշի սքրինինգային ծրագիրը

Ապրիլի 1-ից ընդլայնվել է ադրենոգենիտալ համախտանիշի սքրինինգային ծրագիրը՝ ներառելով ՀՀ մարզերը: Այս մասին տեղեկացնում են ՀՀ առողջապահության նախարարությունից:

Մինչ այս պիլոտային ծրագիրը ներդրվել էր Երևան քաղաքում:

Մեկնարկից ի վեր իրականացվել է 20852 նորածնի ադրենոգենիտալ հետազոտություն, որի շրջանակներում հայտնաբերվել է և մանկական էնդոկրին դիսպանսերում հաշվառվել է 4 երեխա, 1 երեխա գտնվում է հետազոտման փուլում:

Յուրաքանչյուր սքրինինգ ուղղված է նորածնային շրջանում չդրսևորվող, բայց հետագա կյանքի որակին ու առողջության վրա զգալի ազդեցություն ունեցող վիճակների վաղ հայտնաբերմանն ու բուժմանը։

Բնածին մակերիկամային հիպերպլազիայի կամ որ նույնն է՝ ադրենոգենիտալ համախտանիշի սքրինինգը թույլ կտա մինչև կլինիկական դրսևորումները հայտանաբերել հիվանդությունն ու կանխել դրա զագացումը՝ խուսափելով մահվան ելքերից, առավելապես տղաների շրջանում:
Այս սքրինինգն աղջիկների մոտ թույլ կտա կանխարգելել հիպոնատրիեմիան, որը, երկարաժամկետ կտրվածքով, հանգեցնում է մտավոր զարգացման հապաղման:

Հիվանդության վաղ հայտնաբերումը, բուժծառայությունների ընդլայնումը և հասանելիության ապահովումը մեզ համար առաջնահերթություն է: