ԱՄՆ-ում ՀՀ դեսպանությունում տեղի է ունեցել ընդունելություն՝ ի պատիվ Վաշինգտոն ժամանած Starmus թիմի

Մայիսի 30-ին ԱՄՆ-ում ՀՀ դեսպանությունում տեղի է ունեցել ընդունելություն՝ ի պատիվ Վաշինգտոն ժամանած Starmus թիմի՝ համահիմնադիր Գարիկ Իսրայելյանի գլխավորությամբ։ Թիմը ժամանել է Վաշինգտոն՝ մասնակցելու Քենեդի կենտրոնում անցկացվող «Երկրից տիեզերք» փառատոնին։ Այդ մասին հայտնում են ԱՄՆ-ում ՀՀ դեսպանությունից:

Փառատոնի ընթացքում Starmus-ին հատկացվել է երկու օր։ Ապրիլի 1-ին տեղի կունենա STARMUS - Cosmic Beginnings and Mysteries: Exploring the Origins of Life and the Depth of Gravity խորագրով պանելային քննարկումը: Այնուհետև, ապրիլի 2-ին՝ ժամը 18:30-ին, Քենեդի կենտրոնում կկայանա Starmus VI ֆիլմի ամերիկյան պրեմիերան:

Դեսպանությունում կազմակերպված ընդունելությանը մասնակցել են ԱՄՆ հայ համայնքի ներկայացուցիչներ։

Ելույթներով են հանդես եկել ԱՄՆ-ում ՀՀ դեսպան Լիլիթ Մակունցը և Starmus-ի համահիմնադիր Գարիկ Իսրայելյանը։ Գարիկ Իսրայելյանը ներկայացրել է Starmus-ը՝ անդրադառնալով «Երկրից տիեզերք» փառատոնի ընթացքում կայանալիք միջոցառումներին ու ֆիլմի ցուցադրությանը։