Հալանդը կարող է լուրջ վնասվածք ունենալ. նա մարզադաշտը լքել է հենակներով

Կիրակի օրը՝ մարտի 30-ին, տեղի է ունեցել Անգլիայի գավաթի 2024/2025 թթ. քառորդ եզրափակիչ հանդիպումը, որում «Մանչեսթեր Սիթին» արտագնա խաղում հաղթել է «Բորնմութին» (2:1): Հանդիպման ընթացքում վնասվածք է ստացել հյուրերի աստղային հարձակվող Էրլինգ Հալանդը։

Նորվեգացին ձախ ոտքի վնասվածք է ստացել երկրորդ խաղակեսի սկզբում և փոխարինվել 61-րդ րոպեին: Նրան փոխարինել է Օմար Մարմուշը, որն ավելի ուշ այս խաղում խփել է «Մանչեսթեր Սիթիի» հաղթական գնդակը։

Վնասվածքի բնույթը և Հալանդի վերադարձի ժամկետները դեռևս անհայտ են, բայց խաղից հետո սոցիալական ցանցերում տարածվել է մի տեսանյութ, որտեղ երևում էր, որ Հալանդը հենակներով հեռանում է Բորնմութի մարզադաշտից:

Հիշեցնենք, որ այս խաղում Հոլանդը խփել է «Սիթիի» առաջին գոլը և նաև վրիպել է 11-մետրանոցից, փոխանցում է Armsport-ը։