Պայթյուն՝ Վլադիմիր Պուտինի լիմուզիններից մեկում․ ի՞նչ է կատարվել

Մոսկվայի կենտրոնում՝ Լուբյանկայի վրա գտնվող ԱԴԾ շենքից ոչ հեռու, ՌԴ նախագահ Վլադիմիր Պուտինի լիմուզիններից մեկը պայթել է և բռնկվել։ Այս մասին հայտնում են սերբական Kurier հրատարակությունը, բրիտանական Sun թերթը և գերմանական Bild-ը։

Շուրջ 330 հազար եվրո արժողությամբ Aurus Senat հատուկ մեքենայի շարժիչում բռնկված հրդեհը տարածվել է սրահի վրա։ 

Հրապարակված կադրերում երևում է, որ մոտակա ռեստորանների և բարերի աշխատակիցները վազում են դրսում՝ փորձելով օգնել մարել կրակը մինչև հրշեջների ժամանումը: 

Այրվող մեքենայի առջևից թանձր սև ծուխ է դուրս եկել։

Հրապարակումների համաձայն՝ լիմուզինը պատկանում է ՌԴ նախագահի ակտիվների կառավարման գործակալությանը։ 

Առայժմ հայտնի չէ, թե արդյոք մեքենայում որևէ մեկը եղել է, իսկ Ռուսաստանի իշխանություններից պաշտոնական հայտարարություններ չեն ստացվել:

The Sun-ը հայտնում է, որ Ռուսաստանի առաջնորդի՝ Մուրմանսկ կատարած վերջին այցի ժամանակ տեսագրվել է, թե ինչպես է Դաշնային պաշտպանության ծառայության աշխատակիցը մանրակրկիտ որոնում է պատվո պահակախմբի յուրաքանչյուր անդամի թաքնված զենքեր կամ պայթուցիկ սարքեր, նախքան Պուտինը ծաղկեպսակ կդնի Մուրմանսկում Անհայտ զինվորի գերեզմանի մոտ: Պարբերականը պնդում է, որ պատվո պահակախմբին հրացաններ են տվել առանց պարկուճների։