на Русском
Հունաստանում ՀՀ դեսպան Տիգրան Մկրտչյանը Սոֆիա... 
ՔՊ նիստում քննարկվել է Իրական Հայաստանի գաղափ... 
Փարաքարում վախի մթնոլորտ չկա. համայնքապետի ՔՊ-ական թեկնածու
Փարաքար խոշորացված համայնքում ավագանու ընտրություններում «Քաղաքացիական պայմանագիր» կուսակցության ցուցակը գլխավորող Լյուդվիգ Գյուլնազարյանը վստահ է, որ հաղթելու է ընտրություններում: Այս մասին նա նշեց լրագրողների հետ զրույցում՝ քվեարկություն կատարելուց հետո:
«Նախորդ ընտրություններին ես հնարավորություն չէի ունեցել որպես համայնքի ղեկավար, որպես տեղակալ ծառայել համայնքում, իսկ այս ընտրություններից առաջ 2,5 տարի եղել եմ համայնքի ղեկավարի առաջին տեղակալի պաշտոնում, այնուհետև չորս ամսից մի փոքր ավել եղել եմ որպես համայնքի ղեկավար»,-ասաց նա:
Լյուդվիգ Գյուլնազարյանը հավաստիացրեց, որ Փարաքարում վախի մթնոլորտ չկա. «Ամեն ինչ նորմալ է լինելու, գնալու է իր հունով, ժողովուրդն էլ գնալու է դեպի զարգացում։
Ընտրությունների ընթացքը նորմալ է, բոլոր տեղամասերում իմ տեղեկություններով ամեն ինչ նորմալ է, բնակչությունը գնում են, ընտրում են, ոչ մի արտառոց դեպք չի գրանցվել»,-ասաց նա:
