Բոնուս Սիթիին ակումբային ԱԱ-ում հաղթելու համա՞ր. մենք արժանի չենք դրան. Գվարդիոլա

«Մանչեսթեր Սիթիի» գլխավոր մարզիչ Պեպ Գվարդիոլան պատասխանել է այն հարցին, թե արդյոք թիմը «բոնուս» կստանա՞, եթե հաղթի 2025 թվականի աշխարհի ակումբային առաջնությունում։

«Մենք արժանի չենք բոնուսի այս մրցաշրջանում: Եթե դուրս գանք խաղադաշտ և հաղթենք, ապա միայն հանուն ակումբի: Մարզիչներ, անձնակազմ, խաղացողներ … մենք արժանի չենք նման բանի»,- ասել է Գվարդիոլան մամուլի ասուլիսի ընթացքում:

Անգլիայի Պրեմիեր լիգայի 29 տուրից հետո «Մանչեսթեր Սիթին» ունի 48 միավոր և զբաղեցնում է հինգերորդ տեղը։ Աշխարհի ակումբային առաջնությունում Գվարդիոլայի թիմը նույն խմբում կխաղա «Վայդադի», «Ալ Այնի» և «Յուվենտուսի» հետ։

Մրցաշարը կանցկացվի ԱՄՆ-ում հունիսի 15-ից հուլիսի 13-ը, փոխանցում է Armsport-ը։