Ուժեղ երկրաշարժ՝ Մյանմարում․ուժգնությունը կազմել է 7,7 մագնիտուդ

Մյանմայում ուժեղ երկրաշարժ է տեղի ունեցել, «ՌԻԱ Նովոստի»-ին հայտնել են ականատեսները։

«Նայպիտաուում շատ ցնցումներ կան», - ասաց Մյանմար-Ռուսաստան բարեկամության ասոցիացիայի գործադիր քարտուղար Մոե Հտետը:

Գործակալության աղբյուրի համաձայն՝ երկրաշարժի ուժգնությունը կարող է հասնել 6 բալ, Յանգոնի բնակիչները գործակալությանը հայտնել են, որ իրենք նույնպես ուժեղ ցնցումներ են զգացել։

Ավելին, ինչպես հաղորդում է «ՌԻԱ Նովոստի»-ի թղթակիցը, երկրաշարժը զգացվել է նույնիսկ Բանգկոկում։

ԱՄՆ Երկրաբանական ծառայության տվյալներով՝ երկրաշարժը տեղի է ունեցել Սագաինգ քաղաքից 12 կիլոմետր հեռավորության վրա, կենտրոնը գտնվում է 10 կիլոմետր խորության վրա։

Ուժգնությունը կազմել է 7,7 մագնիտուդ։ Ստորգետնյա ցնցումները զգացվել են նաև հարևան երկրներում՝ Բանգլադեշում, Հնդկաստանում, Թաիլանդում, Լաոսում և Չինաստանում։

Զոհերի կամ ավերածությունների մասին տեղեկություններ դեռ չկան։