51-ամյա տղամարդը ցած է նետվել շենքից

Մարտի 26-ին, ողբերգական դեպք է տեղի ունեցել Երևանում։ Ժամը 07:40-ի սահմաններում ՀՀ Ներքին գործերի նախարարության Ոստիկանության համայնքային ոստիկանության գլխավոր վարչության Քանաքեռ-Զեյթունի ոստիկանությունում ահազանգ է ստացվել Երևանի 103 շտապօգնության բժիշկների հերթապահ խմբից, ովքեր հայտնել են, որ կանչով մեկնել են Թբիլիսյան խճուղու բազմահարկ շենքերից մեկը, որտեղ բակում հայտնաբերել են տղամարդու դի։

Ինչպես հայտնում է ֆոտոլրագրող Գագիկ Շամշյանը, դեպքի վայր է ժամանել ոստիկանության Քանաքեռ-Զեյթունի բաժնի պետ Վահագն Գրիգորյանը։

Ոստիկաններն ու քննիչները պարզել են, որ մահացածը Երևանի բնակիչ 51-ամյա Սամվել Գ.-ն է, ով Թբիլիսյան խճուղի 2ա շենքից ինքնասպանություն գործելու նպատակով իրենց ցած է նետել։

Ոստիկանությունն ու քննչական բաժինը պարզում են՝ որ հարկից է նա իրեն ցած նետել։

Քննիչի որոշմամբ նշանակվել է դատաբժշկական փորձաքննություն, դեպքի փաստով էլ ինքնասպանություն կամ ինքնասպանության հասցնելու հատկանիշներով նախաձեռնվել է քրեական վարույթ։