Երևանում բախվել են «Honda Elysion»-ը և «Honda CR-V»-ն․ վիրավոր կա

Այսօր՝ մարտի 26-ին, ավտովթար է տեղի ունեցել Երևանում: Ժամը 16։40-ի սահմաններում Աբովյան և Իսահակյան փողոցների խաչմերուկում՝ «SAS» սուպերմարկետի դիմաց, բախվել են 43-ամյա Արտաշես Խ․-ի վարած «Honda Elysion» և 59-ամյա Արմեն Գ․-ի վարած «Honda CR-V» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է «Հերացի» թիվ 1 հիվանդանոցային համալիր։
  
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վիրավորի ինքնությունը։