на Русском
Սարիկ Մինասյանը բազմաթիվ ոստիկանների աչքի առա... 
Հայաստանը մասնակցել է Ժնևի Գրքի միջազգային ցո... 
ՔՊ-ն որոշում չունի ինչպես կքվեարկի Աղազարյանին և Մարգարյանին անձեռնմխելիությունից զրկելու հարցում. Հովհաննիսյան
Ընթացակարգերը այնպիսին են, որ դատախազը ներկայացնում է միջնորդություն, պատգամավորները ծանոթանում են միջնորդությանը, լսում են, հարցեր են տալիս, դրանից հետո ՔՊ խմբակցությունը կկայացնի իր որոշումը, թե ինչպես է քվեարկելու: Այս մասին NEWS.am-ի հետ զրույցում նշեց ՔՊ խմբակցության քարտուղար Արթուր Հովհաննիսյանը՝ անդրադառնալով հարցին, թե ինչպես է քվեարկելու ՔՊ խմբակցությունը պատգամավոր Հովիկ Աղազարյանին անձեռնմխելիությունից զրկելու հարցով:
«Ինչպե՞ս հիմա կարող է լինել որոշում քաղաքական թիմի կողմից տալ համաձայնություն զրկելու պատգամավորին անձնվմխելիությունից այն դեպքում, երբ որ մենք հարցը ամբողջությամբ չենք ավարտել: Հրցը կքննարկենք, կավարտենք, նոր խմբակցությունը կկայացնի որոշում: Որոշման մասին արդեն ըստ ընթացակարգերի փակ գաղտնի քվեարկության արդյունքներով կտեղեկանաք, ինչպես որ նախորդիվ է եղել՝ Գագիկ Ծառուկյանի դեպքում, Սերյան Օհանյանի դեպքում, նույնը Տարոն Մարգարյանի դեպքում, նույնը ցանկացած միջնորդության դեպքում՝ անկախ, թե ում վերաբերյալ է այդ միջնորդությունը ներկայացված»,-ասաց նա:
Դիտարկմանը, որ Հովիկ Աղազարյանն իր ելույթում փակագծեր բացեց՝ մի քանի դետալներ առանձնացրեց, թե ինչու է իր հանդեպ քաղաքական հետապնդում իրականացվում, որ ինքը դեմ է եղել Հայկ Մարությանի վերաբերյալ որոշմանը, ԵՄ անդամակցության գործընթացի հետ կապված կրկին դեմ է եղել, թեեւ անուն չնշեց, բայց բոլորը հասկացան, որ Ալեն Սիմոնյանի հարսի հետ կապված եւս ինքն է բարձրաձայնել խնդիրը և դա է հիմք դարձել այսօրվա գործընթացի, Արթուր Հովհաննիսյանն ասաց. «Հովիկ Աղազարյանի ասածը անմտություն է ուղղակի, որովհետև իր բերած դեպքերը տեղի են ունեցել ընդհուպ մինչև ութ, ինը տարի առաջ: Ծիծաղելի է այդ դեպքերը ներկայացնել որպես քաղաքական հետապնդման հիմք։
Միջնորդության պատճառները, թե ինչու է միջնորդությունը ներկայացված, գրված է միջնորդության մեջ, որը հրապարակային փաստաթուղթ է: Միջնորդության մեջ գրված տեքստից դուրս այլ շարժառիթ, հատկապես քաղաքական, չկա և չի կարող լինել։ Քաղաքական հետապնդում չկա և չի կարող լինել անկախ նրանից, թե ում անուն-ազգանունն է գրված միջնորդության մեջ»:
