24 զոհ․ անտառային հրդեհներ՝ Հարավային Կորեայում

Հարավային Կորեայի հարավ-արևելքում անտառային հրդեհներն առնվազն 24 մարդու կյանք են խլել, հաղորդում է Yonhap լրատավական գործակալությունը։ 

Ուժգին քամիները և չոր եղանակը շարունակում են խոչընդոտել հրշեջների ջանքերին՝ ուղղված անտառային հրդեհների տարածումը կանխելուն: Մոբիլիզացվել են բազմաթիվ հրշեջ ուղղաթիռներ, շուրջ 5000 հրշեջ և մոտ 560 միավոր տեխնիկա, սակայն անտառային հրդեհները, որոնք մարտի 21-ից մոլեգնում են Հարավային Գյոնսանգի նահանգի Սանչոնգի շրջանում, տարածվել են տարածաշրջանի հյուսիս-արևելքում:

Աղետների հակազդման և անվտանգության կենտրոնական շտաբի տվյալներով՝ անտառային հրդեհների հետևանքով 24 զոհերից 20-ը հայտնաբերվել են Ուիսեոնգի, իսկ չորսը՝ Սանչոնգի շրջանում:

Նախագահի պաշտոնակատար Հան Դոկ Սուն կոչ է արել գործադրել բոլոր ջանքերը՝ կանխելու մահաբեր անտառային հրդեհների հետագա տարածումը՝ դրանք բնութագրելով որպես «երբևէ ամենավատ անտառային հրդեհներ»: Նա նշել է, որ մինչև այժմ անտառային հրդեհները ոչնչացրել են 17 000 հեկտար անտառ և 209 տուն ու գործարան։