Ռոմանոն մեկնաբանել է վան Դեյկի՝ Ռեալ տեղափոխվելու մասին շշուկները

Իտալացի հեղինակավոր լրագրող և ինսայդեր Ֆաբրիցիո Ռոմանոն արձագանքել է «Լիվերպուլի» 33-ամյա կենտրոնական պաշտպան Վիրջիլ վան Դեյկի՝ Մադրիդի «Ռեալ» հավանական տեղափոխության մասին լուրերին: Նիդեռլանդցի ֆուտբոլիստի պայմանագիրը մերսիսայդցիների հետ ավարտվում է այս ամառ։

«Վերջին շաբաթների ընթացքում հայտնվել են լուրեր Վերջիլ վան Դեյկի և Մադրիդի «Ռեալի» մասին: Թույլ տվեք ասել, որ նման բան երբեք չի եղել: Ես լսել եմ, որ «Ռեալը» երբեք չի խոսել Վան Դեյկի հետ, իսկ նրա գործակալները երբեք բանակցություններ չեն սկսել «Ռեալի» հետ»,- ասել է Ռոմանոն YouTube-ի իր ալիքում հրապարակված տեսանյութում:

Ընթացիկ մրցաշրջանում Վան Դեյկը բոլոր մրցաշարերում անցկացրել է 41 հանդիպում՝ դառնալով 3 գոլի և մեկ գոլային փոխանցման հեղինակ։ Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 28 միլիոն եվրո: