Սիթիի նախկին ֆուտբոլիստը մեղավոր է ճանաչվել կնոջ նկատմամբ բռնություն մեղադրելու գործում

«Մանչեսթեր Սիթիի» նախկին կիսապաշտպան Ջոի Բարտոնը մեղավոր է ճանաչվել կնոջ նկատմամբ բռնություն գործադրելու մեջ։ Armsport-ի փոխանցմամբ՝ այս մասին հայտնում է Relevo-ն։

Գործի նյութերի համաձայն՝ 2021 թվականին ֆուտբոլիստը վիճաբանության ժամանակ բռնել է կնոջ կոկորդից, ապա գցել գետնին և ոտքով հարվածել նրա գլխին։ Ամեն ինչ տեղի է ունեցել Լոնդոնի հարավ-արևմուտքում գտնվող իրենց տան մոտ: Դատավարությունը սկզբում հետաձգվել է այն բանից հետո, երբ Բարտոնի կինը հայտարարել է, որ վնասվածքը պատահական է եղել: Սակայն դատախազությունը վերաքննիչ բողոք է ներկայացրել,և դատարանը բավարարել է այն։

Այսօր՝ մարտի 25-ին, Վեսթմինսթերի մագիստրատուրայի դատարանն այս գործով մեղավոր է ճանաչել նախկին ֆուտբոլիստին և նրան դատապարտել 12 շաբաթ ազատազրկման։ Այնուամենայնիվ, նրան բանտ չեն ուղարկի, քանի որ դատավորն ասել է, որ չի ցանկանում միջամտել Բարտոնի հարաբերություններին կնոջ և երեխաների հետ: Փոխարենը նրան պարտավորեցրել են տուժողին վճարել մոտ 3000 եվրո փոխհատուցում և դատական ​​ծախսերը: