Շղթայական ավտովթար՝ Կոտայքի մարզում

Այսօր՝ մարտի 24-ին, շղթայական ավտովթար է տեղի ունեցել Կոտայքի մարզում: Ժամը 09:00-ի սահմաններում Աբովյան-Եղվարդ ավտոճոնապարհի Նոր Հաճնի կամրջի սկզբնամասում բախվել են «BMW», «Mercedes», «Opel» և «ՎԱԶ 2104» մակնիշի ավտոմեքենաները: 
 
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգու օպերատիվորեն ժամանած շտապօգնության բժիշկների հերթապահ խումբը տեղում բուժօգնություն է ցուցաբերել, սակայն վիրավորը հրաժարվել է հիվանդանոց մեկնել, ասելով, որ ինքը չի տուժել: 
 
Մինչ շտապօգնության ժամանումը, վարորդներին ու վիրավորին օգնություն են ցուցաբերել վթարի հարևանությամբ գործող բենզալցակայանի աշխատակիցները: 

Ֆոտոլրագրողւ տեղեկություններով՝ «Mercedes»-ը վարել է 27-ամյա Ներսես Պ.-ն, «ՎԱԶ 2104»-ը վարել է 30-ամյա Հայկազ Ա.-ն, «Opel Vectra»-ն վարել է 28-ամյա Գարեգին Ա.-ն, իսկ «BMW»-ն վարել է 33-ամյա Աշոտ Խ.-ն: 

Վարորդները ենթարկվել են սթափության փորձաքննության, եղել են սթափ: