Բարսելոնան Մադրիդից նոր տրանսֆեր է նախապատրաստում․ Ֆլիկը տվել է համաձայնությունը

«Բարսելոնայի» գլխավոր մարզիչ Հանս-Դիտեր Ֆլիկը հավանություն է տվել «Ռայո Վալեկանոյի» և Ռումինիայի հավաքականի աջ պաշտպան Անդրեյ Ռացիուի ձեռքբերմանը։ Armsport-ի փոխանցմամբ՝ այս մասին հայտնում է El Nacional-ը։

Աղբյուրի համաձայն, 26-ամյա ռումինացի ֆուտբոլիստը կարող է դառնալ «Բարսելոնայի» առաջին տրանսֆերը հաջորդ մրցաշրջանի համար։ Նրա պայմանագրում նշված հրաժարագինը կազմում է 25 միլիոն եվրո։

Կատալոնական ակումբը Ռացիուին դիտարկում է որպես Ժյուլ Կունդեի որակյալ փոխարինող։ Նշվում է, որ Ֆլիկին դուր է եկել պաշտպանի բազմակողմանիությունը, քանի որ նա կարող է խաղալ տարբեր դիրքերում։

Ընթացիկ մրցաշրջանում Ռացիուն «Ռայո Վալեկանոյի» կազմում մասնակցել է 27 հանդիպման, խփել 2 գոլ և կատարել 3 գոլային փոխանցում։ Նրա պայմանագիրն ակումբի հետ ուժի մեջ է մինչև 2028 թվականի ամառը։

Transfermarkt-ը ֆուտբոլիստի տրանսֆերային արժեքը գնահատում է 12 միլիոն եվրո։