Կոչ եմ անում բոլոր արցախցիներին վաղը 14։00-ին հավաքվել ՔԿ-ի մոտ, այնտեղից երթով կշարժվենք ՆԳՆ. Ռոման Երիցյան

Արցախցի փաստաբան Ռոման Երիցյանը հայտնում է, որ ներքին գործերի նախարարությունը քննչական կոմիտեի հետ համատեղ ջանքերով մեծ արշավ է սկսել իր դեմ՝ ոստիկանական խոշտանգումների մասին բարձրաձայնելուց և այդ մասով քննչական կոմիտեի վարած նախաքննությունը քննադատելուց հետո։

«Ընդ որում՝ կեղծ տեղեկություններ հրապարակելու արշավին միացել են նաև իշխանական լրատվամիջոցներ, ոստիկանական ֆոտոլրագրող (վերջինիս իրապես հարգում էի), ինչպես նաև ինչ-որ փաստաբան (այս փաստաբանի մասին դեռ կխոսեմ և դեմ առ դեմ կպահանջեմ կրկնել իմ հասցեին այլ անձի հետ հեռախոսային խոսակցության ընթացքում օգտագործված բառը)։

Ինչևէ, այս ամենը ստիպում է կատարվածի մասին այլևս չլռել, ուստի այսօր շատ լուրջ հրապարակումներ կկատարեմ երեկվա առերեսման ընթացքում բացահայտված տեղեկությունների, Տիգրանին խոշտանգման ենթարկելու առթիվ թաքցված փաստերի, քննչական կոմիտեի ապացուցված խտրական վերաբերմունքի և ներքին գործերի նախարարության գործելաոճի մասին»,- գրել է Երիցյանը։

Ռ. Երիցյանը ուղիղ եթերով կոչ է արել մարտի 23-ին լինել ժամը 14:00-ին լինել Մամիկոնյանց 46/5 հասցում՝ Քննչական կոմիտեից մոտից, որտեղից կգնան ՆԳՆ։

Հիշեցնենք, որ օրեր առաջ արցախցի փաստաբան Ռոման Երիցյանը հայտնել էր արցախցի Տիգրան Ուլուբաբյանին ոստիկանությունում խոշտանգելու մասին և հրապարակել խոշտանգած ոստիկաններից երկուսի լուսանկարները։ Նախօրեին ՆԳ նախարար Արփինե Սարգսյանն ասել էր. «Ապավինում են ՔԿ-ին՝ այս հարցով օբյեկտիվ և արդար քննություն իրակաացնելու համար։ Եթե քննության արդյունքում պարզվեց, որ ոստիկանության ծառայողներն ունեն մեղավորություն, միանշան նրանք կենթարկվեն պատասխանատվության, եթե պարզվեց, որ կա կեղծ մեղադրանք ոստիկանության ծառայողների նկատմամբ, միաժամանակ, ըստ այդմ պետք է վրա հասնի պատասխանատվություն սուտ մատնության տրամաբանության մեջ»։