Ի՞նչ է իրենից ներկայացնում յոգան
Շարունակ քննարկվում է այն գաղափարը, ըստ որի յոգան հավատք է: Սակայն մասնագետների պնդմամբ յոգան ոչ միայն հավատք չէ, այլև այն գիտություն է մարդու հոգեկանի վերաբերյալ: Այն թույլ է տալիս մարդկանց հոգեպես հանդարտվել սթրեսային իրավիճակներից, ինչպես նաև միշտ երիտասարդ և առողջ մնալ: Սակայն եկեղեցին կարծես թե յոգան ընդունում է որպես աղանդ: Այս հարցի հստակ պատասխանը փորձեցի հասկանալ հենց մասնագետից, որը տվեց հետևյալ պարզաբանումը:
Հնդուիզմի հաղթարշավով արևմտյան աշխարհում հայտնվեցին կրոնական այլ ուղղություններ, որոնք ստացան աղանդ անվանում, իսկ ներկայումս ցանկացած այլ երևույթ, որը կապ չունի եկեղեցու հետ, դիտվում է աղանդ:
- Իսկ ո՞րն է եկեղեցու և յոգայի տված հոգու մաքրությունների տարբերությունները:
Քրիստոնեության ընդունված մաքրման միջոցը հավատքն է, որը տրվում Սուրբ Երրորդության միջոցով, իսկ յոգայում չկա հավատ որևէ անձնավորված կամ մարդկային երևույթի համար:
- Այդ դեպքում եկեղեցին ինչպե ՞ս է ընդունում յոգայով զբաղվողներին
Յոգան օտար մշակույթ է և կարելի է նույնիսկ ասել, որ հայն ու յոգան մի տեսակ անհամատեղելի են: Այն համահունչ է այն վայրին, որտեղ ծնվել է:
-Հայ երիտասարդներին կարծես թե հիմա յոգան հետաքրքրում է նիհարելու համար
Չեմ ժխտի, կա նման միտում, սակայն նրանք ընթացքում հասկանում են, որ յոգան նիհարելու միջոց չէ և առավել ևս իրենցը չի:
-Հայ առաքելական եկեղեցին պսակադրու ՞մ է յոգայով զբաղվողներին
Քրիստոնեական իր հավատքին ամուր կառչած երիտասարդները երբեք յոգայով չեն զբաղվում:
Սոնա Բախշյան