Հայաստանը մինչ այս պահը ոչ մի զիջման չի գնացել ու Ադրբեջանի ոչ մի պահանջ չի կատարել. Արթուր Հովհաննիսյան

«Քաղաքացիական պայմանագիր» խմբակցության քարտուղար Արթուր Հովհաննիսյանը լրագրողներին վստահեցրել է, որ Հայաստանը մինչ այս պահը ոչ մի զիջման չի գնացել ու Ադրբեջանի ոչ մի պահանջ չի կատարել։

«Խաղաղության համաձայնագրի տեքստում որևէ բան չկա, որը վերաբերելի է Հայաստանին ու վերաբերելի չէ Ադրբեջանին, հետևաբար, եթե դուք կարդաք տեքստը, ձեզ համար մի տառ անգամ անծանոթ չի լինելու»,- ասել է նա՝ նշելով, որ համաձայնեցված բոլոր կետերի վերաբերյալ կա երկկողմ համաձայնություն։

Հովհաննիսյանի վստահեցմամբ՝ բոլոր կետերը վերաբերում են երկու կողմին:

«Ես զարմանում եմ՝ ինչպե՞ս կարող ենք մեկնաբանել որպես միակողմանի զիջում»,- զարմանք է հայտնել նա ու նշել, որ հայ-ադրբեջանական սահմանին երրորդ ուժերի ներկայացուցիչներ չեն լինելու, սա չի նշանակում, որ Հայաստանը գնում է միակողմանի զիջման։