Բաքվի դատարանը բավարարել է Ռուբեն Վարդանյանի պաշտպանի միջնորդությունը

Բաքվում այսօր շարունակվել է Արցախի նախկին պետնախարար Ռուբեն Վարդանյանի դեմ շինծու դատաքննությունը, հայտնում են ադրբեջանական լրատվամիջոցները:
ըստ աղբյուրի՝ դատարանն այսօր բավարարել է պաշտպանական կողմի միջնորդությունը:
Նշվում է, որ դատական նիստի սկզբում Վարդանյանի փաստաբան Աբրահամ Բերմանը միջնորդություն է ներկայացրել նիստի արձանագրություններին և դրանց կից ձայնագրություններին ծանոթանալու համար։ Միջնորդությունը բավարարվել է։ Վարդանյանին տրամադրվել է նաև ռուսերենի թարգմանիչ։
Հաջորդ նիստը նշանակված է ապրիլի 1-ին: