на Русском
Ռուբեն Վարդանյանը Բաքվի բանտում է, հացադուլ է... 
«Սևան» ՔԿՀ-ում դրոնի միջոցով փորձել են փոխանց... 
Ադրբեջանում մարդու իրավունքների հետ կապված վիճակի վատթարացումը պետք է անհանգստացնի ԵՄ խորհրդարանին․ Մայքլ ՄքՆամարա
Եվրախորհրդարանում տեղի է ունեցել «Ադրբեջանի կողմից հայ պատանդների, այդ թվում՝ Լեռնային Ղարաբաղի բարձրագույն քաղաքական ներկայացուցիչների անօրինական ձերբակալություններն ու կեղծ դատավարությունները» խորագրով քննարկում, հայտնում է 1lurer-ը։
Իռլանդացի եվրապատգամավոր Մայքլ ՄքՆամարան կարծիք է հայտնել, որ Ադրբեջանում մարդու իրավունքների հետ կապված վիճակի վատթարացումը պետք է անհանգստացնի ԵՄ խորհրդարանին, իսկ Եվրահանձնաժողովը չպետք է լռի։
«Լեռնային Ղարաբաղից 16 անձանց ու 8 նախկին ղեկավարների շարունակվող կալանքը և դատավարությունը պետք է դատապարտել ստալինյան ցուցադրական դատավարությունների նման։
Պետք է դատապարտել նաև լրատվամիջոցների և դիտորդների հասանելիության մերժումը, թեև այդ դատավարություններն իբր ընթանում են հրապարակային»,- նշել է նա:
Պատգամավորը ուշադրություն է հրավիրել, որ դատավարություններին զուգահեռ Ադրբեջանը հրաժարվում է համագործակցել Խոշտանգումների և անմարդկային կամ նվաստացնող վերաբերմունքի կանխարգելման եվրոպական կոմիտեի հետ։
ՄքՆամարան մտահոգություն է հայտնել, որ Ադրբեջանը փակում է նաև Կարմիր խաչի Բաքվի գրասենյակը, որը միակ միջազգային կազմակերպությունն է, որը հասանելիություն ունի Բաքվում պահվող հայերին:
