Բուֆոնի որդին նորամուտն է նշել պրոֆեսիոնալ ֆուտբոլում

Իտալիայի Բ Սերիայի 29-րդ տուրի շրջանակում մարտի 9-ին, «Սպեցիան» սեփական հարկի տակ ընդունել է «Պիզային», որի կազմում հանդես է գալիս 17-ամյա վինգեր Լուի Բուֆոնը:

Իտալիայի հավաքականի նախկին դարպասապահ Ջանլուիջի Բուֆոնի որդին փոխարինման է դուրս եկել 84-րդ րոպեին։ Խաղն ավարտվել է 3։2 հաշվով՝ հօգուտ «Սպեցիայի»։

«Սպեցիայի» դեմ հանդիպումը առաջինն էր Լուի Բուֆոնի պրոֆեսիոնալ կարիերայում։ Ընթացիկ մրցաշրջանում եզրային հարձակվողը «Պիզայի» Մ19 տարեկանների կազմում անցկացրել է 20 հանդիպում երիտասարդական առաջնությունում և դարձել է 6 գոլի հեղինակ։

Հիշեցնենք, որ ավելի վաղ Լուի Բուֆոնը հրավիրվել էր Չեխիայի երիտասարդական հավաքական։ Ֆուտբոլիստը երկու երկրների՝ Չեխիայի և Իտալիայի քաղաքացի է, փոխանցում է Armsport-ը։