Դրոյի փողոցում չբնակեցված տուն է այրվում․ մեկնել են 2 մարտական հաշվարկ

Այսօր՝ մարտի 5-ին, հրդեհ է տեղի ունեցել Արարատի մարզում: Ժամը 17:00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Այգեվան գյուղի Դրոյի փողոցում չբնակեցված տուն է այրվում: 
 
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են Արտաշատի հրշեջ-փրկարարական ջոկատից 2 մարտական հաշվարկ: 

Հրշեջներին հաջողվել է կանխել կրակի տարածումը, ապա մարել այն:  

Ըստ նախնական տեղեկությունների՝ բարեբախտաբար տուժածներ չկան:
 
Պարզվել է, որ այրվել է տան բաղդադե առաստաղը մոտ 70 քմ, նախամուտքի հատակը մոտ 10 քմ, դուռ և պատուհան,մասամբ ջերմահարվել է ննջասենյակի գույքը։