Ռուսաստանը զանգվածային հարված է հասցրել Ուկրաինայի շրջաններին

Մարտի 4-ի լույս 5-ի գիշերը Ռուսաստանն Ուկրաինայի ուղղությամբ արձակել է 181 «Շահեդ» հարձակողական ԱԹՍ-ներ, տարբեր տեսակի անօդաչու թռչող սարքեր, երեք «Իսկանդեր M/KN-23» բալիստիկ հրթիռ Վորոնեժի շրջանից և մեկ С-300 հրթիռ Կուրսկի շրջանից: Այդ մասին հայտնել է Ուկրաինայի ռազմաօդային ուժերը։

«Առավոտվա դրությամբ 115 «Շահեդ» և այլ տեսակի ԱԹՍ-ներ են խոցվել, 55 անօդաչու թռչող սարք տեսադաշտից կորել է առանց բացասական հետևանքների», - ասվում է զեկույցում։

Հարձակման հետևանքով տուժել են Կիևի, Օդեսայի, Դնեպրոպետրովսկի և Խարկովի շրջանները։ Օդեսան բազմիցս դարձել է ռուսական ավիահարվածների թիրախ՝ օգտագործելով անօդաչու սարքեր և թևավոր հրթիռներ, հիշեցնում է dpa գործակալությունը։

Տարածաշրջանային ռազմական վարչակազմի ղեկավար Օլեգ Կիպերի խոսքով՝ Օդեսայի արվարձանում ՌԴ դրոնների հարձակման հետևանքով բեկորային վնասվածքներից մահացել է 77-ամյա մի բնակիչ: Խոցված անօդաչուների բեկորներից վնասվել են մասնավոր տներ, բռնկվել են հրդեհներ։ «Օդեսայում վնասվել են կրիտիկական ենթակառուցվածքները, քաղաքի մի մասը մնացել է առանց էլեկտրաէներգիայի, ջրի և ջերմության»,- հավելել է Կիպերը։