на Русском
«Սպարապետի խոսքերը վերագնահատելով, աթոռի կռիվ... 
Հրդեհ՝ ավտոմեքենայում. այրվել է տան բակում կա... 
ՔՊ-ն տարածքային ընտրական հանձնաժողով է ներկայացրել Գյումրիի ընտրություններին մասնակցելու փաստաթղթերը
«Քաղաքացիական պայմանագիր» կուսակցությունը թիվ 31 տարածքային ընտրական հանձնաժողով ներկայացրեց Գյումրիում արտահերթ ընտրություններին մասնակցելու փաստաթղթային փաթեթը:
«Գյումրեցիները հստակ իրենց ընտրությունը կկատարեն մարտի 30-ին, ու դրանից հետո կտեսնենք՝ գյումրեցիները վստահում են նախկին նախագահների՞ն, թե՞ վստահում են մեզ»,- ճեպազրույցի ժամանակ նշեց «Քաղաքացիական պայմանագիր» կուսակցության ցուցակը գլխավորող, Գյումրիի քաղաքապետի ժամանակավոր պաշտոնակատար Սարիկ Մինասյանը։
Անդրադառնալով լրագրողների հարցին, թե քիչ ձայներ հավաքելու դեպքում արդյոք պատրա՞ստ են որպես ընդդիմություն ներկայանալ՝ Սարիկ Մինասյանը նշեց, որ անհրաժեշտության դեպքում՝ գյումրեցիների ցանկությամբ, կարող են լինել նաև ընդդիմություն։
«Ես եկել եմ ծառայելու գյումրեցիներին, և եթե այնքան ձայն ստանանք, որ լինենք ընդդիմադիր, կլինենք ընդդիմադիր, բայց ես այդ ուղղությամբ չեմ մտածում: Ամեն դեպքում գյումրեցիները շատ լավ ամեն ինչն հիշում են, և իրենց նորմալ ու ճիշտ գնահատականը կտան։ Կարևորն այն է, որ անտարբեր չլինեն ու մասնակցեն ընտրություններին, քանի որ այս ընտրություններով որոշվում է գյումրեցիների հետագա հինգ տարիների ճակատագիրը՝ ում են վստահելու իրենց քաղաքը»,-նշեց Սարիկ Մինասյանը։
