Ծնվել է Ապրիլյան քառօրյա և 44-օրյա պատերազմների մասնակից Տիգրան Ղազարյանի որդին՝ Գագիկը

Այսօր՝ մարտի 3-ին, «Էրեբունի» բժշկական կենտրոնի ծննդատանը լույս աշխարհ է եկել Ապրիլյան քառօրյա և 44-օրյա պատերազմների մասնակից, վիրավորում ստացած Տիգրան Ղազարյանի որդին: 
 
SHAMSHYAN.com-ի թղթակցի հետ զրույցում Տիգրանն ասում էր. 

«Ես խոստացել եմ իմ մարտական ընկերներին, որ որդուս դաստիարակելու եմ այն հայրենասիրական ոգով, որով դաստիարակել են ինձ իմ ծնողները, իմ ուսուցիչները, ինչու ոչ՝ նաև մարտական ընկերներս, որոնց հետ պատերազմի ամենաթեժ կետերում մենք անառիկ ենք պահել մեզ վստահված առաջնագիծը: Թող իմ փորքրիկը, որի անունը դրել ենք Գագիկ, միայն խաղաղ և արժանապատիվ կյանքով ապրի, այդ թվում նաև այն երեխաները, որոնք լույս աշխարհ են եկել այսօր ու լույս աշխարհ են գալու ապագայում: 
 
Ես վստահ եմ, որ իմ որդին առաջնորդվելու է այն սկզբունքներով, որով մեր ընտանիքն է առաջնորդվել. այն է՝ հանուն հայրենիքի, հանուն ծնողի չխնայել կյանքը:
 
Առիթից օգտվելով՝ ուզում եմ երեխայիս ծնունդն ի լուր աշխարհի հայտնել նաև մեր բոլոր հերոսների ընտաիքներին ու նմանատիպ ծնունդներ ցանկանում եմ բոլորին: Աստված թող պահապան լինի բոլորիս ընտանիքներին, Հայաստանին, ու տղաս տեսնի այն օրը, երբ Արցախը միացած կլինի Հայաստանին: Իմ և որդուս պարքտը կլինի նաև ինձ համար սրբության սրբոց համարվող ոչ միայն «Եռաբլուր» զինվորական պանթեոնում, այլև Հանրապետության բոլոր մարզերում ու Երևանի տարբեր տեղերում անմահացած տղաների վրեժը լուծելը, և մենք պարտք ունենք կատարելու և նպատակն իր ավարտին հասցնելու:

 Տղային ծննդից րոպեներ անց մտքիցս դուրս չի գալիս մեծն Սևակի հայտնի բանաստեղծության տողերը՝ «Աշխարհին մանկան մաքրություն է պետք»: 
 
Շնորհակալություն եմ հայտնում նաև «Էրեբունի» բժշկական կենտրոնի ծննդատան աշխատակիցներին՝ իրենց մարդկային բարձր արժանիքների, Հիպոկրատին տված երդումը բարձր մակարդակով պահելու համար»: