«Ֆազի» սպանության գործով կալանավորված «Չաղ Ռուստամի» խափանման միջոցը փոխվել է. նա ազատ է արձակվել

Քրեական հեղինակություն «Ֆազի»՝ Սերգեյ Գրիգորյանի, սպանության գործով կալանքի տակ գտնվող «Չաղ Ռուստամը»՝ Ռուստամ Ստեփանյանն ազատ է արձակվել կալանքից։

Այս մասին հայտարարություն է տարածել նրա պատշտպանի՝ Գեղամ Հակոբյանի փաստաբանական գրասենյակը։

«Երևան քաղաքի առաջին ատյանի ընդհանուր իրավասության քրեական դատարանը` Մ. Մելքոնյանի նախագահությամբ, բավարարեց մեր միջնորդությունը` սպանության կազմակերպման մեջ հանիրավի մեղադրվող մեր պաշտպանյալին ազատ արձակեց և կիրառեց այլընտրանքային խափանման միջոց»,– գրել է փաստաբանը։

Ստեփանյանն ազատ է արձակվել դատական նիստերի դահլիճից։ 

Գործով անցնող մյուս մեղադրյալը՝ Կյուրեղյանը, ևս ազատ է արձակվել։

Հիշեցնենք՝ դեպքը տեղի էր ունեցել հունիսի 11-ին՝ ուշ երեկոյան, Աջափնյակ վարչական շրջանում. մահաբեր կրակոցներն արձակվել էին բնակելի շենքերի մոտ։ Հրապարակվել էին նաև կադրեր՝ ինչպես է «Ֆազ» մականվամբ հայտնի Սերգեյ Գրիգորյանին ենթադրյալ սպանողը հեռանում է դեպքի վայրից։ 

Դեպքի առթիվ ՀՀ քրեական օրենսգրքի 155-րդ հոդվածի 2-րդ մասի 7-րդ կետի, 44-155-րդ հոդվածի 2-րդ մասի 7-րդ կետի և 335-րդ հոդվածի 1-ին մասի հատկանիշներով նախաձեռնվել էր քրեական վարույթ։ 

Սերգեյ Գրիգորյանի սպшնությունից շուրջ մեկ ամիս անց ձերբակալվել, ապա՝ կալանավորվել էին Ռուստամ Ստեփանյանը՝ «Չաղ Ռուստամը» և Ա․ Կյուրեղյանը՝ սպшնության կազմակերպման մեղադրանքով։