Մանչեսթեր Սիթիի կիսապաշտպանը կարող է կարիերան շարունակել Իսպանիայում

Խորվաթիայի հավաքականի և «Մանչեսթեր Սիթիի» կիսապաշտպան Մատեո Կովաչիչը կարող է վերադառնալ Իսպանիայի առաջնություն, որտեղ նախկինում հանդես է եկել Մադրիդի «Ռեալի» կազմում։ Armsport-ի փոխանցմամբ՝ այս մասին հայտնում է Todofichajes-ը։

Աղբյուրի համաձայն՝ Մադրիդի «Ատլետիկոն» ցանկանում է ձեռք բերել 30-ամյա կիսապաշտպանին: Կովաչիչի պայմանագրի ժամկետը «քաղաքայինների» հետ նախատեսված է մինչև 2027 թվականի հունիսի վերջը։ Խորվաթի տրանսֆերային արժեքը գնահատվում է 28 միլիոն եվրո։

Կովաչիչը «Մանչեսթեր Սիթիում» հանդես է գալիս 2023 թվականից։ Անգլիայի ընթացիկ առաջնությունում կիսապաշտպանը անցկացրել է 22 հանդիպում՝ դառնալով 4 գոլի և 1 գոլային փոխանցան հեղինակ։