Բժիշկը հորդորում է երեխաների սննդակարգից բացառել մի քանի տեսակի սնունդ

Որոշ մթերքներ, որոնք նախատեսված են որպես հատուկ երեխաների համար ստեղծված, կարող են վնասակար լինել երեխայի համար, զգուշացրել է էնդոկրինոլոգ Դիլյարա Լեբեդևան։ Իր Telegram ալիքում բժիշկը կոչ է արել բացառել երեխաների սննդակարգից սննդային մի քանի խմբեր։

Առաջին հերթին նա խորհուրդ է տվել հրաժարվել վերամշակված մթերքներից, ինչպիսիք են՝ պանրիկն ու երշիկեղենը։ Դրանք ծանրաբեռնում են լյարդը և ստամոքսը, առաջացնում են բորբոքումներ աղիներում և մեծացնում գիրության և սրտի հետ կապված խնդիրների վտանգը։

Լեբեդևան նաև խորհուրդ է տվել երեխայի սննդակարգից բացառել շաքարով հարուստ մթերքները (օրինակ՝ յոգուրտներ, թխվածքաբլիթներ), տրանս ճարպեր պարունակող մթերքները (օրինակ՝ մարգարին, չիպսեր և այլն) և արհեստական ​​գույներով, բուրմունքներով և համը ուժեղացնող մթերքները։

Բացի այդ, բժիշկը հորդորել է երեխաներին չտալ քաղցր ըմպելիք, գազավորված ըմպելիք, արագ սնունդ և վիտամիններ և հանքանյութեր չպարունակող սնունդ՝ սպիտակ հաց, պահածոներ և ռաֆինացված մթերքներ։

«Փորձեք ընտրել բնական մթերքներ՝ տնական միս, թարմ բանջարեղեն, ամբողջական ձավարեղեն, առողջարար աղանդեր առանց շաքարի: Դա ոչ միայն ավելի առողջարար է, այլև իսկապես համեղ է»,-Shantnews-ի փոխանցմամբ՝ ավելացրել է բժիշկը։