Բացառիկ լուսանկարներ՝ Հրազդան գետից Թումոյի ծրագրի ղեկավարի դին դուրս բերելուց․ ի՞նչ է թողել նա մեքենայում

Փրկարարները Հրազդան գետից դուրս են բերել Թումոյի ծրագրի ղեկավարներից մեկի, 1984 թվականին ծնված Ռ. Ք․-ի մարմինը:

ArmLur.am-ին հասած տեղեկությունների համաձայն՝ երիտասարդ տղան մեքենան կայանել է Թումոյի կայանատեղիում, վզնոցն ու մատանին թողել մեքենայում եւ կամրջից ցած նետվել: Իսկ թե ինչու, առայժմ հայտնի չէ:

ArmLur.am-ը ներկայացնում է բացառիկ լուսանկարներ հենց դեպքի վայրից։

Ավելի վաղ shamshyan.com գրել էր, որ փետրվարի 19-ին արտակարգ դեպք է տեղի ունեցել Երևանում: Ժամը 09:35-ի սահմաններում ՀՀ ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է սատացվել, որ մի քաղաքացի Կիևյան կամրջից իրեն ցած է նետել:

Փրկարարները, պարեկներն ու ոստիկանները որոնողական աշխատանքի արդյունքում քաղաքացուն չեն հայտնաբերել և պարզվել է, որ, հնարավոր է, նա ընկել է Հրազդան գետը, ինչի համար արդեն 1 ժամից ավելի է ջրասուզակն ու փրկարարները գետի ամբողջ տարածքում որոնողական աշխատանքներ են կատարում: Ջրասուզակները գետում հայտնաբերել են ջրահեղձ եղած տղամարդու մարմինը և այն դուրս են բերել: