Վերջին երկու տարվա ընթացքում Երևանի մետրոպոլիտենում իրականացրել ենք 6.3 միլիարդ դրամի ներդրում․ Ավինյան

«Վերջին երկու տարվա ընթացքում Երևանի մետրոպոլիտենում իրականացրել ենք 6.3 միլիարդ դրամի ներդրում՝ ենթակառուցվածքների արդիականացման և ուղևորների հարմարավետության բարձրացման համար»,- ֆեյսբուքյան էջում հայտնել է Երևանի քաղաքապետ Տիգրան Ավինյանը։

Նա տեղեկացրել է, որ՝

- Տեղադրվել են ժամանակակից շարժասանդուղքներ,

- Վերանորոգել և երթուղի ենք դուրս բերել նախկինում չշահագործվող վագոնները՝ մեծացնելով մետրոպոլիտենի թողունակությունը,

- Նորացվել է օդափոխման համակարգը,

- Կատարվել են մի շարք այլ բարելավումներ, որոնք ապահովում են մետրոյի ավելի անվտանգ և հարմարավետ գործարկումը։ Բացի այդ, ներկայացրել ենք 74 միլիարդ դրամի ներդրումային ծրագիր՝ նոր վագոնների ձեռքբերման համար, ինչը հնարավորություն կտա մարդկանց օգտվել նորարարական, հարմարավետ և որակյալ ծառայություններից։

Մանրամասները՝ տեսանյութում։