Հայտնի է՝ որքան է վաստակել Բարսելոնան Գոնսալեսի տրանսֆերից

«Բարսելոնան» որոշակի գումար է վաստակել Նիկո Գոնսալեսի՝ «Մանչեսթեր Սիթի» տեղափոխությունից, սակայն գումարը շատ ավելի քիչ է, քան ի սկզբանե սպասվում էր:

«Բարսելոնան» ստացել էր 8,5 միլիոն եվրո իր ֆուտբոլիստի տրանսֆերից «Պորտու», ինչպես նաև պահպանել է վերավաճառքի 40% կետը:

Հետևաբար, ակնկալվում էր, որ նրանք կստանան 24 միլիոն եվրո օրերս կայացած գործարքից: «Մանչեսթեր Սիթին» 60 միլիոն եվրոյով ձեռք է բերել Նիկո Գոնսալեսին «Պորտուից»:

Այնուամենայնիվ, «Պորտուն» ակտիվացրել է կետը, որը թույլ էր տալիս գնել ֆուտբոլիստի տրանսֆերային իրավունքների լրացուցիչ 20%-ը ընդամենը՝ 3 միլիոն եվրոյով: Այդ մասին հայտնում է DailySport-ը։

Այսպիսով, «Բարսելոնան» պահպանել է միայն 20% վերավաճառքի կետը: Ի վերջո, կատալոնական ակումբը ստացել է ընդհանուր առմամբ 13,3 մլն եվրո, ինչը զգալիորեն ցածր է նախնական սպասելիքներից, փոխանցում է Armsport-ը։