на Русском
Թող ժողովուրդը համակերպվի, պարտավոր ենք ենթար... 
Ասել, չես արել, Ավինյա՛ն. «Ժողովուրդ»
Հեղեղումների վերաբերյալ վարքականոնների ուսուցում` բնակչության պատրաստվածության բարձրացման նպատակով
ՆԳՆ փրկարար ծառայության տնօրեն-ՆԳ նախարարի տեղակալ Կամո Ցուցուլյանի հրամանի համաձայն՝ Փրկարար ծառայության ենթակա ստորաբաժանումների կողմից հունվար ամսվա ընթացքում հանրապետության ողջ տարածքում կազմակերպվել և անց են կացվել են մի շարք դասընթացներ, սեմինարներ և հանրային իրազեկման միջոցառումներ՝ ուղղված հեղեղումների առաջացման կանխարգելմանն ու դրանց վերաբերյալ բնակչության պատրաստվածության բարձրացմանը:
Հեղեղումները, որպես բնական աղետ, միշտ եղել են մարդկության առջև ծառացած մարտահրավերներից, որոնք պահանջում են հատուկ պատրաստվածություն և բնակչության շրջանում համապատասխան գիտելիքի տարածում: Դրանք հաճախ մեծ վնաս են պատճառում բնակչությանը, ենթակառուցվածքներին և նյութական արժեքներին, ուստի հատկապես կրթական հաստատություններում ուսանողների և աշակերտների գիտակցության բարձրացումը բնակչության անվտանգության վերաբերյալ համարվում է կարևոր ու առաջնային խնդիր։
Փրկարար ծառայության կողմից անցկացվող միջոցառումների հիմնական նպատակը բնակչությանը հնարավորինս կրթելն ու իրազեկելն է հեղեղումների ժամանակ, դրանց ընթացքում և հետո ճիշտ վարքականոնների վերաբերյալ` նպաստելով վերջիններիս պատրաստվածության բարձրացմանը: Այդ նպատակով հունվար ամսին ՆԳՆ ՓԾ Երևան քաղաքի և մարզային փրկարարական վարչությունների կողմից շուրջ 120 կրթական հաստատութուններում կազմակերպվել և անց են կացվել դասընթացներ՝ «Հեղեղումների ժամանակ և հեղեղումներից հետո վարքականոները» և «Ազդարարման ազդանշանները» թեմաներով:
Դասընթացների նպատակներ էին՝ բնակչության շրջանում բարձրացնել գիտակցության մակարդակը հեղեղումների վտանգների և դրանցից հնարավոր ռիսկերի մասին, ուսումնական հաստատություններում ուսանողների և աշակերտների շրջանում ձևավորել տարանջատված և ճիշտ վարքագիծ՝ հեղեղումների դեպքում, տեղեկություն տրամադրել ազդարարման ազդանշանների, ինչպես նաև դրանց ճիշտ կիրառման եղանակների մասին, քաղաքացիներին տրամադրել անհրաժեշտ գիտելիքներ անվտանգության միջոցառումների իրականացման, տարհանման կազմակերպման ու սթափության պահպանման վերաբերյալ, Փրկարար ծառայության և այլ կառույցների հետ համագործակցությամբ իրականացնել պրակտիկ դասընթացներ՝ նպատակ ունենալով արդյունավետ գործողություններ կազմակերպել հեղեղումից հետո:
Շարունակելով բնակչության պատրաստվածության նպատակով իրականցվող միջոցառումների շարքը` Փրկարար ծառայության մարզային ստորաբաժանումները՝ մասնավորապես Արմավիրի, Գեղարքունիքի, Կոտայքի, Շիրակի, Տավուշի մարզային փրկարարական վարչությունների աշխատանքային խմբերը, իրականացրել են նաև մի շարք այլ միջոցառումներ, ԱԻ և ՔՊ հիմնահարցերով աշխատաժողովներ, «ՔՊ միջոցառումների կազմակերպումն ու իրականացումը ՔՊ համակարգը խաղաղից ռազմական դրության փոխադրման ժամանակ» թեմայով շտաբային ուսումնավարժություններ, «Հրդեհաշիջման և տարհանման աշխատանքների կազմակերպումն ու իրականացումն ուսումնական հաստատությունում» հատուկ տակտիկական ուսումնավարժություններ, «Օդային տագնապ ազդանշանի դեպքում անձնակազմի պատսպարման կազմակերպումը և իրականացումը» թեմաներով դասընթացներ, ինչպես նաև հնարավոր հրդեհների կանխարգելման, հողային ռեսուրսների պահպանման, շրջակա միջավայրի պաշտպանության և հրդեհային անվտանգության կանոնների, Դիլիջանի «Ազգային պարկ» ՊՈԱԿ-ի և Իջևան համայնքում անտառային գոտիներում հրդեհավտանգ տարածքների ուսումնասիրման, գյուղատնտեսական հողատարածքներում չոր խոտածածկույթի այրման վնասներն ու դրա կանխարգելման կարևորության վերաբերյալ իրազեկման աշխատանքներ:
