Կրքերը թեժանում են․ Ռեալը պահանջներ է ներկայացրել մրցավարական սկանդալից հետո

Իսպանիայի առաջնության 22-րդ տուրում Մադրիդի «Ռեալը» հյուրընկալվելիս 0:1 հաշվով պարտվեց «Էսպանյոլին»:

Մադրիդցիները դժգոհ էին մրցավարությունից. «Էսպանյոլի» հաղթական գոլը խփեց Կառլոս Ռոմերոն, որը ավելի վաղ պետք է կարմիր քարտ ստանար Կիլիան Մբապեի նկատմամբ խախտման համար։

Մադրիդի «Ռեալը» պաշտոնական բողոք է ներկայացրել Իսպանիայի ֆուտբոլի թագավորական ֆեդերացիային և Մարզական բարձրագույն խորհրդին։ Մադրիդյան ակումբը վրդովմունք է հայտնել մրցավարությունից և ոչ միայն այս խաղում։ «Էսպանյոլի» դեմ խաղում տեղի ունեցածը մադրիդյան ակումբը որակել է որպես «վարկաբեկված մրցավարական համակարգի գագաթնակետ»։

«Սերուցքայինները» կարծում են, որ իրենց թիմի դեմ կայացված որոշումները համակարգային են։ Մադրիդի «Ռեալը» նույնպես պահանջ է ներկայացրել՝ ակումբը ցանկանում է ստանալ մրցավարների և տեսաօգնականների խոսակցությունների ձայնագրությունները այն պահերին, երբ Ռոմերոն չէր հեռացվել խաղադաշտից։

Հիշեցնենք, որ ավելի վաղ Լա լիգան հայտարարեց հանդիպման գլխավոր մրցավար Մունիս Ռուիսն և VAR-ի մրցավար Իգլասիաս Վիլանուևային որակազրկելու մասին, փոխանցում է Armsport-ը։