на Русском
Վարորդները լիարժեք աջակցում և որևէ կերպ չեն խ... 
Բոլորս բոյկոտում ենք անհիմն թանկացումը. Մարու... 
Ագրարայինում ընտրություն է. ԺՊ-ին ասվել է՝ խնդիր չունի. «Հրապարակ»
«Հրապարակ» թերթը գրում է. «Ագրարային համալսարանից մեզ հայտնեցին, որ հոգաբարձուների խորհուրդը պատրաստվում է կազմակերպել ռեկտորի պաշտոնի մրցույթ, որը թափուր է արդեն 13 ամիս: Ըստ տարածված լուրերի, ռեկտորի պարտականությունները կատարող Հրաչյա Զաքոյանին ասվել է, որ խնդիր չի չունենա ընտրվելու հարցում:
Զաքոյանի մերձավոր շրջապատից լուրեր են տարածում, որ նա վայելում է ԿԳՄՍ նախարար Անդրեասյանի, խորհրդի նախագահ Արման Խոջոյանի եւ վարչապետի աշխատակազմի ղեկավար Արայիկ Հարությունյանի բարեհաճությունն ու անվերապահ աջակցությունը: Զաքոյանը նախ տնտեսական, ապա ուսումնական աշխատանքների գծով պրոռեկտոր է նշանակվել ընկերոջ՝ նախկին ռեկտոր Վարդան Ուռուտյանի կողմից: Զաքոյանի չառաջադրվելու պարագայում, որպես պահեստային տարբերակ, հավանական է համարվում նաեւ Ուռուտյանի առաջադրումը:
Ուռուտյան-Զաքոյան տանդեմի կառավարման տարիներին, հիշեցնենք, համալսարանն արձանագրել է ընդունելության աննախադեպ ցածր ցուցանիշներ, ուսանողների եւ աշխատողների քանակի շեշտակի նվազում, ինչպես նաեւ՝ կուտակել է 550 միլիոն դրամի պարտք՝ գույքահարկի գծով»:
Առավել մանրամասն թերթի այսօրվա համարում:
