Նեյմարը հայտարարել է հարազատ ակումբ վերադառնալու մասին

32-ամյա հարձակվող Նեյմարն իր սոցիալական ցանցերում հայտարարել է, որ պայմանագիր է կնքել «Սանթոսի» հետ, որի ակադեմիայի սանն է։

«Ես զգում եմ, որ հետ եմ գնացել ժամանակով: Այստեղ ես հանդիպում եմ ընկերների և ընտանիքի հետ»,- Armsport- ի փոխանցմամբ՝ ասել է ֆուտբոլիստը:

Նեյմարը «Սանթոսի» կազմում հանդես է եկել 2009-ից 2013 թվականներին։ Այս ընթացքում նա բոլոր մրցաշարերում մասնակցել է 225 հանդիպման՝ դառնալով 136 գոլի և 64 գոլային փոխանցման հեղինակ։

Transfermarkt-ի համաձայն՝ ֆուտբոլիստի տրանսֆերային արժեքը գնահատվում է 15 միլիոն եվրո։