Բերեզովսկին հայտարարել է, որ Սպերցյանն ամռանը պետք է հեռանա Կրասնոդարից

Հայաստանի ազգային հավաքականի նախկին դարպասապահ և մարզիչ Ռոման Բերեզովսկին հայտարարել է, որ «Կրասնոդարի» կիսապաշտպան Էդուարդ Սպերցյանն ամռանը պետք է փորձի իր ուժերը Եվրոպայում:

Մամուլի տեղեկությունների համաձայն՝ 24-ամյա հայ ֆուտբոլիստով հետաքրքրված են իտալական ակումբները:

«Կարծում եմ՝ Սպերցյանը պետք է ամռանը հեռանա «Կրասնոդարից»։ Իմ կարծիքով, այնքան էլ կարևոր չէ, թե ուր կտեղափոխվի Էդուարդը՝ «Նապոլի», թե «Յուվենտուս»:

Համոզված եմ, որ հայ ֆուտբոլիստն արդեն վաղուց հասունացել է Եվրոպայի ամենաուժեղ ակումբներում հանդես գալու համար», — Armsport-ի փոխանցմամբ՝ Բերեզովսկու խոսքերը մեջբերում է РБ Спорт-ը:

Այս մրցաշրջանում Սպերցյանն «Կրասնոդարի» կազմում անցկացրած 25 խաղերում խփել է վեց գոլ և կատարել երեք գոլային փոխանցում: Կիսապաշտպանի պայմանագիրը ռուսական ակումբի հետ ուժի մեջ է մինչև 2026 թվականի հունիսի 30-ը։