Ազգային ժողովը հյուրընկալել է Երևանի և մարզերի մի շարք դպրոցների աշակերտների և ուսուցիչների

«Բաց դաս» ծրագրի շրջանակում Ազգային ժողովն այս շաբաթ հյուրընկալել է Երեւանի եւ ՀՀ մարզերի մի շարք դպրոցների աշակերտների եւ ուսուցիչների:

Երեւանի թիվ 45 հիմնական դպրոցի աշակերտների հետ «Բաց դասն» անցկացրել է ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը:

Երեւանի Վաղարշ Վաղարշյանի անվան թիվ 80 հիմնական դպրոցի աշակերտները հանդիպել են ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ Վաղարշակ Հակոբյանի հետ։

Պատգամավորներ Լիլիթ Ստեփանյանը, Ալխաս Ղազարյանն ու Ջուլիետա Ազարյանը հյուրընկալել են Հրազդանի Լեւոն Խեչոյանի անվան թիվ 10 ավագ դպրոցի աշակերտներին եւ ուսուցիչներին:

Խորհրդարանական Ռուստամ Բաքոյանը հանդիպել է Երեւանի Նիկոլայ Գոգոլի անվան համար 35 հիմնական դպրոցի աշակերտների եւ ուսուցիչների հետ:

Ստեփանավանի Հովհաննես Թումանյանի անվան ավագ դպրոցի աշակերտները զրուցել են պատգամավորներ Մարինա Ղազարյանի եւ Տիգրան Պարսիլյանի հետ, իսկ Արարատի մարզի Ազատաշենի հիմնական դպրոցի ներկայացուցիչներին հյուրընկալել են խորհրդարանականներ Կարեն Համբարձումյանն ու Տաթեւիկ Գասպարյանը:

Մայրաքաղաքի թիվ 156 հիմնական դպրոցի աշակերտներին եւ ուսուցիչներին ընդունել է ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահի տեղակալ Թագուհի Ղազարյանը:

Պատգամավոր Սոնա Ղազարյանի հյուրերը Երեւանի Գեւորգ Արշակյանի անվան թիվ 22 հիմնական դպրոցի սաներն էին:

Երեւանի Գուրգեն Մահարու անվան թիվ 176 հիմնական դպրոցի ուսուցիչների եւ աշակերտների հանդիպումը խորհրդարանականներ Էդգար Հակոբյանի ու ԱԺ պաշտպանության եւ անվտանգության հարցերի մշտական հանձնաժողովի նախագահի տեղակալ Արմեն Խաչատրյանի հետ էր:
Հյուրերը եղել են խորհրդարանի թանգարանում ու գրադարանում, հետեւել նիստերի աշխատանքին: