100 տարի է՝ նույն բանն է․ Դիեգո Սիմեոնեն կոշտ քննադատության է ենթարկել Ռեալին

Մադրիդի «Ատլետիկոյի» գլխավոր մարզիչ Դիեգո Սիմեոնեն մեկնաբանել է Իսպանիայի գավաթի 1/8 եզրափակիչի՝ Մադրիդի «Ռեալի» և «Սելտայի» միջև (5:2) հանդիպման մրցավարությունը։ Խաղը տեղի է ունեցել Մադրիդի «Սանտիագո Բեռնաբեու» մարզադաշտում։

«Ես հանդիպումը չեմ դիտել, բայց ինձ տեղեկացրին, որ եղել են դրվագներ, որոնք կրկնվում են արդեն 100 տարի։ Չգիտեմ՝ ինչի մասին պետք է զարմանալ։ Կարո՞ղ ենք մրցել այդպիսի թիմերի հետ։ Անշուշտ։ Դա արել են 100 տարվա ընթացքում և շարունակում են անել»,- Սիմեոնեի խոսքերն է մեջբերում Marca-ն։

Այդ հանդիպման վիճահարույց պահերից մեկը տեղի ունեցավ առաջին խաղակեսում, երբ գլխավոր մրցավար Խոսե Մունուերա Մոնտերոն 11 մետրանոց չնշանակեց այն բանից հետո, երբ «Ռեալի» դարպասապահ Անդրեյ Լունինը դիպավ և տապալեց «Սելտայի» կիսապաշտպան Ուիլլոտ Սվեդբերգին, փոխանցում է Armsport-ը։