Մենք առաջընթաց ենք գրանցել․ Ֆլիկը գոհ է Բարսելոնայի խաղից

Կատալոնական «Բարսելոնայի» գլխավոր մարզիչ Հանս-Դիտեր Ֆլիկը գնահատել է թիմի պատրաստվածությունը «Խետաֆեի» հետ խաղից առաջ՝ նշելով, որ թիմը «հույս ունի լուծել գոլ խփելու խնդիրները», որոնք ունեցել է վերջին հանդիպումների ժամանակ։

Նախախաղային մամուլի ասուլիսի ընթացքում գերմանացի մասնագետը նշել է, որ գոհ է թիմի վերջին խաղերից։

«Մենք առաջընթաց ենք գրանցել։ Թիմի համար առաջնայինը «Խետաֆեի» նկատմամբ հաղթանակն է, դրանից հետո կմտածենք «Բենֆիկայի» մասին»,- Ֆլիկի խոսքն է մեջբերում «Բարսելոնայի» պաշտոնական կայքը։

Մասնագետը նաև հաստատել է, որ թիմի դանիացի պաշտպան Անդրեաս Կրիստենսենը լիովին առողջ է և պատրաստ է խաղալ։

Նշենք, որ վաղը՝ հունվարի 18-ին, Լա Լիգայի 20-րդ տուրում «Բարսելոնան» արտագնա խաղում կհյուրընկալվի «Խետաֆեին»։ Հանդիպումը կմեկնարկի կեսգիշերին, փոխանցում է Armsport-ը։