Այսպիսի խաղով աշխարհի ցանկացած թիմի կարող ենք հաղթել. Լևանդովսկի

«Բարսելոնայի» հարձակվող Ռոբերտ Լևանդովսկին մեկնաբանել է իր թիմի հաղթանակը Մադրիդի «Ռեալի» նկատմամբ Իսպանիայի Սուպերգավաթի եզրափակչում (5:2):

«Մենք հիանալի խաղ ցուցադրեցինք, հատկապես առաջին խաղակեսում։ Մեզ համար ավելի դժվար էր տասը հոգով, բայց ամենակարևորն այն է, որ մենք նվաճեցինք տիտղոսը։ Այսօր մենք կարող ենք տոնել, բայց վաղվանից պետք է կենտրոնանալ առաջիկա հանդիպումների վրա։ Եթե ​​խաղանք այնպես, ինչպես այսօր, ապա կարող ենք հաղթել աշխարհի ցանկացած թիմի»,- Լևանդովսկու խոսքերն է մեջբերում Marca-ն։

Հիշեցնենք, որ կապտանռնագույնները վեցերորդ անգամ հաղթեցին «սերուցքայիններին» երկրի Սուպերգավաթի խաղարկությունում։

«Բարսելոնան» Իսպանիայի Սուպերգավաթի ամենատիտղոսակիր ակումբն է։ Նրանք այս տիտղոսին արժանացել են 15 անգամ։ Երկրորդ տեղում «Ռեալն» է (13), փոխանցում է Armsport-ը։