Համալիրի գետնացումից օգտվելը վտանգավոր է. քաղաքապետարանը այլընտրանք չի առաջարկում

Երեկվանից բուռն քննարկան հարց է դարձել Մարզահամերգային համալիրի հարակից գետնանցումում տիրող իրավիճակը։ Քաղաքացիների պնդմամբ՝ իրենց համար ստորգետնյա անցումով անցնելը վտանգավոր է և փորձություններով լի, քանի որ ոտք դնելու տեղ չի մնացել այդտեղ։

Oragir.News-ը հունվարի 8-ին, այցելեց Մարզահամերգային համալիրի գետնանցում, որտեղ արձանագրեց, որ իսկապես գետնանցումում խառնաշփոթ է, ամեն ինչ քանդված, ավերված վիճակում է, անգամ աստիճանները մասամբ քանդված են։

Նշենք, որ Երևանի քաղաքապետարանը հայտարարություն է տարածել, որ գետնանցումը բարեկարգելու նպատակով Երևանի քաղաքապետ Տիգրան Ավինյանի համապատասխան թույլտվությամբ՝ քանդվել են ինքնակամ 190 քմ մակերեսով շինություններ։

Այնումանայնիվ, մինչ ստորգետնյա անցումի վերանորոգման աշխատանքները սկսելը՝ քաղաքային իշխանությունները մարդկանց անխոչընդոտ շարժը ապահովելու համար այլընտրանքային տարբերակ չի առաջարկել, չկան ցուցանակներ կամ ժապավեններ, որոնք կզգուշացնեն քաղաքապետարանի կողմից շինարարական աշխատանքներ կատարելու մասին։

Հիշեցնեք, որ Oragir.News-ը երեկ՝ հունվարի 7-ին, ևս այցելել էր Մարզահամերգային համալիրի գետնանցում և արձանագրել, որ այն գրեթե ամբողջովին քանդված է, սակայն դեռ հայտնի չէր, թե ում կողմից և ինչու։

Մանրամասները՝ տեսանյութում։