Դա կարիերայիս ամենամեծ սխալն էր․ Մոուրինյու

Պորտուգալացի լեգենդար մարզիչ Ժոզե Մոուրինյուն ծավալուն հարցազրույց է տվել Corierre dello Sport-ին, որում նշել է իր կարիերայի գլխավոր սխալը։

Մոուրնիյուի տեղեկություններով, Մադրիդի «Ռեալի» նախագահ Ֆլորենտինո Պերեսը 2013 թվականի ամռանը հորդորել է իրեն չվերադառնալ «Չելսի», սակայն պորտուգալացին այն ժամանակ չի լսել նրան։

«Ֆլորենտինո Պերեսին մերժելը մնում է իմ ամենամեծ ափսոսանքներից մեկը: Նա ինձ ասաց. «Մի գնա հիմա, դու արել ես ամենադժվարը, իսկ լավագույնը դեռ առջևում է: Մնա «Ռեալում»», դա կարիերայիս ամենամեծ սխալն էր: Բայց ես Իսպանիայում երեք դժվարին տարիներից հետո ուզում էի վերադառնալ «Չելսի»»,- ասել է Մոուրինյուն։

Հիշեցնենք, որ Մոուրինյուն «Ռեալը» մարզել է 2010 թվականի ամռանից մինչև 2013 թվականի ամառ։ Դրանից հետո նա մարզել է «Չելսին», «Մանչեսթեր Յունայթեդը», «Տոտենհեմը», «Ռոմայի» հետ, իսկ այժմ մարզում է «Ֆեներբախչեն», փոխանցում է Armsport-ը։