Մխիթարյանն Ինտերի հետ ուղևորվել է Սաուդյան Արաբիա

«Ինտերը» մեկնել է Սաուդյան Արաբիա՝ մասնակցելու Իտալիայի Սուպերգավաթի խաղարկությանը։

Խաղարկության շրջանակում գավաթի համար պայքար կմղեն «Միլանը», «Յուվենտուսն» ու «Ատալանտան»։

«Ինտերն» իր առաջին հանդիպումը կանցկացնի գալիք տարվա հունվարի 2-ին։ Մրցակիցը կլինի «Ատալանտան»։

Մյուս խաղում, որը կկայանա հաջորդ օրը՝ հունվարի 3-ին, միմյանց հետ կհանդիպեն «Յուվենտուսն» ու «Միլանը»։ Եզրափակիչը հունվարի 6-ին է, փոխանցում է Armsport-ը։

Հիշեցնենք, որ Իտալիայի Սուպերգավաթն անցկացվում է նոր ձևաչափով։ Գավաթը խաղարկվում է «Քառյակի եզրափակիչ» սխեմայով։ Ժամանակին Սուպերգավաթը ներկայացնում էր Ա Սերիայի հաղթողի և Իտալիայի Գավաթակրի ուղիղ դիմակայությունը։

Ավելացնենք, որ առաջիկա 4 տարվա ընթացքում «Քառյակի եզրափակիչի» անցկացման վայրը կլինի Սաուդյան Արաբիան։