Սալահը պատմական ռեկորդ է սահմանել Պրեմիեր լիգայում

«Լիվերպուլի» եգիպտացի հարձակվող Մոհամեդ Սալահը պատմական նվաճման է հասել Անգլիայի Պրեմիեր լիգայում։

32-ամյա ֆուտբոլիստը դարձել է Պրեմիեր լիգայի պատմության առաջին խաղացողը, որը ԱՊԼ-ի 6 տարբեր մրցաշրջաններում հատել է 10 և ավելի գոլի ու գոլային փոխանցման շեմը։ Սալահից առաջ որևէ այլ խաղացողի երբևիցե չի հաջողվել գրանցել նման արդյունք։

Անգլիայի Պրեմիեր լիագյի ընթացիկ մրցաշրջանում Սալահը մերսիսայդցիների կազմում անցկացրած 16 խաղում դարձել է 17 գոլի և 13 գոլային փոխանցման հեղինակ, փոխանցում է Armsport-ը։