Այրվել է մոտ 400 հակ անասնակեր

Դեկտեմբերի 25-ին, ժամը 22:13-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աղավնավանք գյուղի տներից մեկի բակում այրվում է խոտի դեզ:

ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։

Պարզվել է, որ գյուղի 1-ին փողոցի տներից մեկի բակում այրվում է պահեստավորած անասնակեր։

Հրդեհը մեկուսացվել է դեկտեմբերի 26-ին, ժամը 00:23-ին, մարվել՝ 01:05-ին։ Այրվել է մոտ 400 հակ անասնակեր։