Մալխասի արվեստը երևանցիներն են. Տիգրան Ավինյան

Երևանի քաղաքապետ Տիգրան Ավինյանը լուսանկարներ է հրապարակել ջազմեն Լևոն Մալխասյանի ծննդյան 80-ամյակին նվիրված համերգից։ 

«Մալխասի արվեստը երևանցիներն են. նրա կատարումներում կան քաղաքի փողոցները, մարդկանց ձայներն ու նրանց տրամադրությունը: Իր ջազով նա ստեղծել է մի Երևան, որը հիշեցնում է մեզ, թե որքան հարուստ է մեր մշակույթը և մեր քաղաքի ոգին: 

Երևանի քաղաքապետարանն ուրախ է մաս կազմելու Մալխասի 80-ամյակին նվիրված այս միջոցառմանը։ Այն բացառիկ հնարավորություն է միավորելու ջազի սիրահարներին, հարգանքի տուրք մատուցելու մաեստրոյի տասնամյակների աշխատանքին: 

Մաեստրո, շնորհավորում եմ Ձեզ՝ Ձեր 80-ամյակի կապակցությամբ։ Մաղթում եմ առողջություն և ստեղծագործական նոր նվաճումներ»,- գրել է նա։