Վերջին 3 օրում գրանցվել է 32 ՃՏՊ․ 2 մարդ զոհվել է, 40-ը՝ վիրավորվել

Ըստ ոստիկանության օպերատիվ հաղորդագրությունների ամփոփագրերի՝ դեկտեմբերի 20-23-ը ՆԳՆ ոստիկանության ստորաբաժանումները բացահայտել են հանցագործության 233 դեպք, որոնցից 9-ը՝ նախկինում կատարված: Այս մասին տեղեկացնում են ՆԳՆ ոստիկանությունից:

Մասնավորապես՝ թմրանյութի հայտնաբերման՝ 40, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 23, մարմնական վնասվածք պատճառելու` 22, հեգեկան ներգործության ու խարդախության՝ 17-ական, ֆիզիկական ներգործության՝ 16, անձնական ունեցվածքի գողության՝ 11, համակարգչային հափշտակության՝ 9, թմրանյութի իրացման՝ 7, խուլիգանության և ինքնավնասման՝ 5-ական, անձի տիրապետությունից դուրս եկած գույքին տիրանալու, ինքնիրավչության ու սառը զենքի հայտնաբերման՝ 4-ական, ապօրինի ձեռնարկատիրական գործունեության, գույքը ոչնչացնելու կամ վնասելու, բուժաշխատողի կողմից մասնագիտական պարտավորությունները չկատարելու, աշխատանքի պաշտպանության կանոնները խախտելու և փաստաթղթի կեղծիքի՝ 3-ական, սեքսուալ բնույթի բռնի գործողության, բնակարանային գողության, պաշտոնեկան լիազորությունների չարաշահման ու անհետաձգելի միջամտության որոշումը կամ պաշտպանական որոշումը չկատարելու՝ 2-ական, մարդու առևանգման, ավազակության, շորթման, զենք-զինամթերքի առգրավման, կողոպուտի, բռնություն գործադրելու հրապարակային կոչերի, բռնությունը հրապարակայնորեն արդարացնելու կամ քարոզելու, ինչպես նաև այդ նպատակով նյութեր կամ առարկաներ տարածելու, պոռնկագրական նյութեր կամ առարկաներ պատրաստելու, տարածելու կամ պահպանելու, մասնավոր ոլորտում ծառայողական լիազորությունները չարաշահելու, ապօրինի գործունեություն իրականացնելու կամ ապօրինի գործունեությունը քողարկելու, վաշխառությամբ զբաղվելու, ֆիզիկական ուժեղ ցավ և հոգեկան ուժեղ տառապանք պատճառելու, գույքային վնաս պատճառելու, վստահությունը չարաշահելու, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու և դատական ակտը չկատարելու՝ 1-ական դեպք։

Նախկինում կատարված հանցագործություններից բացահայտվել է անձնական ունեցվածքի գողության՝ 7, գույքի դիտավորյալ վնասման և ճանապարհատրանսպորտային պատահարների 1-ական դեպք։

Հայտնաբերվել է 11 հետախուզվող, կամավոր ներկայացել՝ 6-ը։

Հայտնաբերվել է 1 անհայտ կորած։

Գրանցվել է զենք-զինամթերքի կամավոր հանձման 6 դեպք։

Անցած 3 օրվա ընթացքում հանրապետությունում արձանագրվել է ճանապարհատրանսպորտային 32 պատահար․ 2 մարդ զոհվել է․ 40-ը՝ ստացել տարբեր աստիճանի մարմնական վնասվածքներ։