Պեդրին մեկնաբանել է Ատլետիկոյից կրած պարտությունը

«Բարսելոնայի» կիսապաշտպան Պեդրին խոսել է Մադրիդի «Ատլետիկոյի» հետ Իսպանիայի Պրիմերայի 18-րդ տուրի խաղում կատալոնացիների կրած պարտության մասին։ Հանդիպումն ավարտվել է 2:1 հաշվով՝ հօգուտ մադրիդյան թիմի:

«Սա շատ ծանր պարտություն է. Կարծում եմ՝ մենք հնարավորություն ունեինք հաղթելու, բայց չարեցինք։ Մենք պետք է շատ ավելի լավը դառնանք, և այն դադարի ընթացքում, որը հիմա սպասվում է, պետք է վերականգնվենք հոգեպես և ֆիզիկապես։ Մենք պետք է բոլոր ջանքերը գործադրենք, որպեսզի փորձենք ոչ մի հանդիպում չպարտվել»,- Armsport-ի փոխանցմամբ՝ Պեդրիի խոսքերն է մեջբերում Movistar +-ը:

Հիշեցնենք, որ «Բարսելոնան» այժմ զբաղեցնում է Իսպանիայի առաջնության մրցաշարային աղյուսակի երկրորդ հորիզոնականը՝ անցկացրած 19 խաղից հետո վաստակելով 38 միավոր։ «Ատլետիկոն», որը 18 խաղ է անցկացրել, 41 միավորով գլխավորում է Իսպանիայի առաջնությունը։