Ես երազում եմ այդ մրցաշարում հաղթելու մասին․ Մբապե

Մադրիդի «Ռեալի» ֆրանսիացի հարձակվող Կիլիան Մբապեն նշել է այն մրցաշարը, որում երազում է հաղթել։

«Ի՞նչ կարևոր գավաթ է մնացել նվաճելու համար: Իհարկե, Չեմպիոնների լիգա։ Հենց դա է պատճառը, որ ես եկա աշխարհի լավագույն ակումբ»,- Մբապեի խոսքը մեջբերում է ESPN-ը։

Ընթացիկ մրցաշրջանում 25-ամյա հարձակվողը բոլոր մրցաշարերում մասնակցել է 22 հանդիպման, որոնցում դարձել է 12 գոլի և 2 գոլային փոխանցման հեղինակ։ Transfermarkt-ը խաղացողի տրանսֆերային արժեքը գնահատում է 180 միլիոն եվրո, փոխանցում է Armsport-ը։