Գվարդիոլան դեմ չէ, որ Հոլանդը հեռանա, սակայն կա մեկ պայման

«Մանչեսթեր Սիթիի» գլխավոր մարզիչ Պեպ Գվարդիոլան հավանություն է տվել թիմի նորվեգացի հարձակվող Էրլինգ Հոլանդի հեռանալուն, բայց միևնույն ժամանակ հստակ պայման է դրել։ Armsport-ի փոխանցմամբ՝ այս մասին հայտնում է El Nacional-ը։

Աղբյուրի համաձայն՝ Գվարդիոլան ցանկանում է, որ Էրլինգը մնա ևս մեկ մրցաշրջան և դրանից հետո նոր հեռանա ակումբից։ Հոլանդի հեռանալը 2026 թվականի ամռանը կարող է օգտակար լինել երկու կողմերի համար էլ։«Մանչեսթեր Սիթին» մինչ այդ ժամանակ կունենա իր գոլահարին փոխարինող գտնելու համար։ Ֆուտբոլիստի համար ավելի հեշտ կլինի հեռանալը, քանի որ այդ ժամանակ կմնա ընդամենը մեկ տարի նրա գործող պայմանագրի ժամկետի ավարտին։

Ավելի վաղ Հոլանդի հայրը նշել էր ֆուտբոլիստի՝ կարիերայի ընթացքում բոլոր եվրոպական բարձրագույն լիգաներում խաղալու ցանկության մասին: Transfermarkt-ը 24-ամյա խաղացողի տրանսֆերային արժեքը գնահատում է 200 միլիոն եվրո։

Ընթացիկ մրցաշրջանում Հոլնադը «քաղաքայինների» կազմում մասնակցել է 23 հանդիպման՝ դառնալով 18 գոլի և 1 գոլային փոխանցման հեղինակ։